საქართველოს განვითარების პლატფორმა (GeoDP) 26-28 აპრილს, ქობულეთში, სასტუმროში Georgia Palace Hotel & Spa Kobuleti ატარებს ტრენინგს „ადგილობრივი ფასილიტატორების შესაძლებლობების განვითარება მონაწილეობითი ბიუჯეტირების განხორციელებაში“.

ღია კონკურსის წესით შერჩეული ფასილიტატორები 3 დღის განმავლობაში შეისწავლიან ფასილიტაციის ტექნიკას, გაეცნობიან ფასილიტატორის როლს და ფუნქციებს.

ტრენინგის დასრულების შემდეგ „საქართველოს განვითარების პლატფორმას“ გუნდში იქნება 25 კვალიფიციური ფასილიტატორი, რომლებიც ხელს შეუწყობენ პროექტის წარმატებით განხორციელებას.

პროექტს – „პარტნიორი მუნიციპალიტეტების მხარდაჭერა, ეფექტურად წარმართონ მონაწილეობითი ბიუჯეტირება 2024 წლისთვის“ „USAID Local Governance Program • ადგილობრივი თვითმმართველობის პროგრამა” ფარგლებში ხორციელდება.