Please Wait For Loading

ორშ-პარ: 10:00-18:00

ქუთაისში, მონაწილეობითი ბიუჯეტირების პრაქტიკის შესახებ კვლევის პრეზენტაცია გაიმართა

    You Here!
  • Home
  • სიახლე ქუთაისში, მონაწილეობითი ბიუჯეტირების პრაქტიკის შესახებ კვლევის პრეზენტაცია გაიმართა

ქუთაისში, მონაწილეობითი ბიუჯეტირების პრაქტიკის შესახებ კვლევის პრეზენტაცია გაიმართა

მარტი 19, 2024 PR Comments Off

ადგილობრივი ხელისუფლების ინსტიტუციური შესაძლებლობების გაძლიერებისათვის თვისებრივი კვლევა საქართველოს 11 მუნიციპალიტეტში (ჩოხატაური, ოზურგეთი, ბათუმი, ქუთაისი, ონი, საგარეჯო, ქედა, ახალციხე, ბოლნისი, გორი, ზუგდიდი) ჩატარდა. შემუშავდა ქმედითი ინსტრუმენტები და რეკომენდაციები, რათა ხელი შეეწყოს პროცესებში მოქალაქეთა ჩართულობის გაზრდას, ინფორმაციის გავრცელების გაუმჯობესებას მონაწილეობითი ბიუჯეტირების წარმატებით განხორციელებისთვის. კვლევა მიზნად ისახავდა მონაწილეობითი ბიუჯეტირების პრაქტიკის მრავალმხრივი მიდგომის გამოყენებით ყოვლისმომცველ შესწავლას. კვლევის შედეგად სამიზნე 5 მუნიციპალიტეტში, ჩოხატაურში, ოზურგეთში, ბათუმში, ქუთაისსა და ონში შეფასდა მონაწილეობითი ბიუჯეტირების პროცესის ძლიერი და სუსტი მხარეები, შესაძლებლობები და საფრთხეები, შეირჩა დანერგვის ეფექტური მოდელები.

სამუშაო შეხვედრაზე დამსწრე საზოგადოებას შედეგები გააცნო პროექტის ხელმძღვანელმა, თენგიზ შერგელაშვილმა და პროექტის მოწვეულმა ექსპერტმა, კონსტანტინე კანდელაკმა. ხაზი გაესვა არსებულ პრაქტიკას, რომელიც გააჩნდა ქუთაისის მუნიციპალიტეტს წინა წლების განმავლობაში. მომხსენებლებმა ასევე ყურადღება გაამახვილეს იმ გამოწვევებზე, რომელიც არსებობს მონაწილეობითი ბიუჯეტირების განხორციელების პროცესში. კვლევის ძირითადი მიგნებების და რეკომენდაციების წარდგენის შემდეგ სამუშაო შეხვედრა კითხვა-პასუხის რეჟიმში წარიმართა.

ქუთაისის მუნიციპალიტეტის პრაქტიკის შესასწავლად პროცესში უშუალოდ ჩართული პირების ჩართულობით ჩატარდა ერთი ფოკუს ჯგუფი, ასევე გამოიკითხა 8 რესპონდენტი, მათ შორის იყვნენ: ჟურნალისტი, იდეების ავტორები, არასამთავრობო ორგანიზაციის წარმომადგენლები, მონაწილეობითი ბიუჯეტირების პროცესში უშუალოდ ჩართული პირები.

მთლიანობაში, საქართველოს 11 მუნიციპალიტეტში 100-ზე მეტი ჩაღრმავებული ინტერვიუ ჩატარდა მონაწილეობითი ბიუჯეტირების პროცესში ჩართულ მოქალაქეებთან და 11 ფოკუს ჯგუფი მუნიციპალიტეტების მერიის და საკრებულოს წარმომადგენლებთან.

სამუშაო შეხვედრას ესწრებოდნენ USAID-ის ადგილობრივი თვითმმართველობის პროგრამის ხელმძღვანელი, თენგიზ სულთანიშვილი, ქუთაისის მუნიციპალიტეტის მერის მოადგილე, თამარ დახუნდარიძე, ადმინისტრაციული სამსახურის უფროსი, პეტრე ადამაძე და ადგილობრივი ხელისუფლების სხვა წარმომადგენლები.

 „საქართველოს განვითარების პლატფორმამ“ (GeoDP) პროექტის – „პარტნიორი მუნიციპალიტეტების მხარდაჭერა, ეფექტურად წარმართონ მონაწილეობითი ბიუჯეტირება 2024 წლისთვის“ განხორციელება 2023 წლის დეკემბრიდან დაიწყო. პროექტი „USAID-ის ადგილობრივი თვითმმართველობის პროგრამის“ ფარგლებში ხორციელდება.